სიმსივნით დაავადებულმა ემიგრანტმა 1,3 მილიარდი დოლარი მოიგო - ვის გადასცა თანხის ნაწილი მამაკაცმა?
ლაოსში დაბადებულმა ემიგრანტმა, Powerball - ამერიკის ლატარიის თამაშზე, 1.3 მილიარდი დოლარი მოიგო. გამარჯვებული კონკურსის ოფიციალურმა წარმომადგენლებმა გამოავლინეს.
- 46 წლის ჩენგ საეფანი სიმსივნეს ებრძვის. მან იღბლიანი ბილეთი 7 აპრილის შეიძინა. მოგებული თანხის ნაწილი კი მეგობარსა და მეუღლეს გადასცა.
"ძალიან ბედნიერი ვარ. ახლა შემიძლია ოჯახს დავეხმარო და ჩემთვისაც კარგი ექიმი დავიქირაო", - თქვა ჩენგმა და დაამატა, რომ საკუთარი სახლის შეძენა სურს და Powerball-ის თამაშს კიდევ აპირებს - "შეიძლება ისევ გამიმართლოს" - ამბობს ის.
გამარჯვებული ნომრები იყო 22, 27, 44, 52, 69. ეს მეოთხე უდიდესი ჯეკპოტია Powerball-ის ისტორიაში, აქამდე ყველაზე დიდი მოგებული თანხა 2 მილიარდი იყო.
Powerball-ის ბილეთები $2 ღირს და აშშ-ს 45 შტატში, კოლუმბიის ოლქში, ასევე პუერტო რიკოსა და აშშ-ის ვირჯინიის კუნძულებზე იყიდება.