მტკვრის მარჯვენა სანაპიროზე მომხდარი ავტოავარიის შედეგად ოთხი ადამიანი დაშავდა

მტკვრის მარჯვენა სანაპიროზე, გოთუას ქუჩის ასახვევთან მომხდარი ავტოავარიის შედეგად, ოთხი ადამიანი დაშავდა.

როგორც "ინტერპრესნიუსს" სასწრაფო-სამედიცინო დახმარების ცენტრ 112-დან აცნობეს, ადგილზე სამი სამედიცინო დახმარების ბრიგადა არის გასული. ავტოავარიის შედეგად დაშავებული ოთხი პირიდან ერთი ფეხმძიმეა, რომელიც ღუდუშაურის კლინიკაში გადაიყვანეს.

"ინტერპრესნიუსი"