პირველკლასელთა რეგისტრაციის პირველი ეტაპი 23 აპრილს დაიწყება
პირველკლასელთა რეგისტრაციის პირველი ეტაპი 23 აპრილს დაიწყება. როგორც "ინტერპრესნიუსს" განათლებისა და მეცნიერების მინისტრის მოადგილემ ლია გიგაურმა განუცხადა, პირველკლასელთა რეგისტრაციის სამივე ეტაპის განრიგს სამინისტრო ხვალ წარადგენს. მისივე თქმით, რეგისტრაციის პირველი ეტაპი 23 აპრილს დაიწყება და პროცესი შეეხება ბავშვებს, ვისი და-ძმაც სწავლობს ამ სკოლაში; ვისი მშობელიც სკოლის თანამშრომელია; ვისი ოჯახიდანაც ერთდროულად ორი ან მეტი ბავშვი შედის პირველ კლასში (ტყუპები, და-ძმები).
როგორც მინისტრის მოადგილემ აღნიშნა, კლასში მოსწავლეთა მაქსიმალური რაოდენობა 25 მოსწავლით განისაზღვრა. ამასთან, მესამე ბავშვის მონათვლის თაობაზე პატრიარქის ინიციატივასთან დაკავშირებით, წელს პირველკლასელთა რაოდენობა, გასულ წელთან შედარებით, თითქმის 9 000-ით მეტია. ლია გიგაურის თქმით, ამისათვის სკოლები მზად არიან, განსაზღვრულია შესაბამისი საკლასო ოთახები და პედაგოგების რაოდენობა.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
