მეტროსადგურ "ნაძალადევში" ძაბვის ვარდნის გამო ესკალატორი გაჩერდა
მეტროსადგურ "ნაძალადევის" მუშაობაში დღეს დილით, მცირე შეფერხება დაფიქსირდა. ძაბვის ვარდნის გამო, რამდენიმე წუთით, ბაქნის მიმართულებით მოძრავი ესკალატორი გაითიშა.
აღნიშნული ინფორმაცია "ინტერპრესნიუსს" "თბილისის სატრანსპორტო კომპანიაში" დაუდასტურეს. როგორც კომპანიის მარკეტინგისა და საზოგადოებასთან ურთიერთობის მენეჯერმა, თამაზ რობაქიძემ აღნიშნა, მეტროსადგურ "ნაძალადევში" ესკალატორი მხოლოდ ორი წუთით იყო გაჩერებული, რაც მეტროპოლიტენისგან დამოუკიდებელი მიზეზით მოხდა და ძაბვის ვარდნას უკავშირდება. მისივე მტკიცებით, უსაფრთხოების თვალსაზრისით, თბილისის მეტროპოლიტენში არანაირი პრობლემა არ არსებობს.
ამასთან, მეტროპოლიტენში ძაბვის ვარდნასთან დაკავშირებული კიდევ ერთი შემთხვევა 28 აპრილს მოხდა. კერძოდ, მგზავრებს, მეტროსადგურ "მარჯანიშვილზე" მატარებლის დაცლა თხოვეს. მათ ვაგონებიდან ბაქანზე გადაინაცვლეს. მოძრაობა რამდენიმე წუთიანი შეფერხების შემდეგ აღდგა. თუმცა, უშუალოდ მგზავრების მიერ მოწოდოებულ ამ ინფორმაციას, "თბილისის სატრანსპორტო კომპანიაში" უარყოფენ.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
