როგორ აშენდა პირამიდები? - მეცნიერებმა საიდუმლო ამოხსნეს

მკვლევარებმა ამოხსნეს ამოცანა, თუ როგორ ააშენეს ეგვიპტელებმა პირამიდები.

მეცნიერებს წლების განმავლობაში აინტერესებდათ, როგორ ზიდავდნენ მუშები უზარმაზარ ქვის ლოდებს. როგორც ამბობენ, ამის პასუხი ძალიან მარტივია - ტრანსპორტირებაში მათ ტენიანი ქვიშა ეხმარებოდათ.

პირამიდების მშენებლობისთვის, ძველ ეგვიპტელებს უმძიმესი ქვის ლოდები უდაბნოში გადაჰქონდათ. მეცნიერების გუნდმა ამ გზის განმეორება სცადა - ექსპერიმენტმა აჩვენა, რომ უზარმაზარი ლოდების ტრანსპორტირებისთვის მარტივი საშუალება სწორედ ტენიანი ქვიშაა. ეგვიპტელები მძიმე საგნებს მარხილზე ათავსებდნენ, მუშებს კი ნესტიან ქვიშაზე სიარული უადვილდებოდათ. მარხილის წინ მიწას წყლით ასველებდნენ, რათა მუშებს მარხილი უფრო  სწრაფად გადაეადგილებინათ.

"ნესტიანი ქვიშა ორჯერ უფრო დაჭიმულია, ვიდრე მშრალი", - ამბობენ მეცნიერები.

მომზადებულია dailymail.co.uk-ის მიხედვით.