დონეცკში არეულობების შედეგად, ორ თვეში 49 ადამიანი დაიღუპა

დონეცკის ოლქში მასობრივი არეულობების შედეგად, ორი თვის განმავლობაში, 49 ადამიანი დაიღუპა. ამის შესახებ უკრაინული მედია იუწყება.

liga.net-ის ინფორმაციით, ამ პერიოდის განმავლობაში 245 ადამიანი დაშავდა.

ამასთან, უკრაინის შინაგან საქმეთა სამინისტროს მონაცემებით, ქვეყნის სამხრეთ-აღმოსავლეთით ანტიტერორისტული ოპერაციის მსვლელობისას, 14 უკრაინელი ძალოვანი დაიღუპა, 66 კი დაშავდა.

უკრაინის პრეზიდენტობის მოვალეობის შემსრულების ალექსანდრე ტურჩინოვის განცხადებით, ქვეყნის აღმოსავლეთ რეგიონებში ანტიტერორისტული ოპერაცია გრძელდება.