ლაშა თაბუკაშვილი არ ფლობს ინფორმაციას, რომ მისი შვილი ზურაბ ჭიაბერაშვილს თავს დაესხა

მწერალი ლაშა თაბუკაშვილი მისი შვილის მიერ "ნაციონალური მოძრაობის" წევრ ზურაბ ჭიაბერაშვილზე თავდასხმის შესახებ ინფორმაციას არ ფლობს და მიიჩნევს, რომ სიმართლეს არ შეესაბამება.

"აბსოლუტურად არ ვარ საქმის კურსში და საერთოდაც, რაღაც მონაბოდი მგონია. სად რეზიკო და სად ჭიაბერაშვილი, რა საქმე უნდა ჰქონოდა მაგასთან? ეს ინფორმაცია მოვისმინე რადიოში, დამირეკა არაერთმა ადამიანმა, მაგრამ რეზიკოს ტელეფონი გათიშული აქვს და მასთან არ მილაპარაკია. ახლა წავალ და ვნახავ", - განუცხადა "ინტერპრესნიუსს" ლაშა თაბუკაშვილმა.

"ნაციონალური მოძრაობის" ინფორმაციით, ზურაბ ჭიაბერაშვილს და ნოდარ ლადარიას აბაშიძის N22-ში მდებარე ლიტერატურულ კაფეში რეზო თაბუკაშვილი უმცროსი და რეჟისორი გიორგი მგელაძე თავს დაესხნენ.

"ინტერპრესნიუსი"