ლაშა თაბუკაშვილი - ჩემი შვილის საქციელს არანაირი გამართლება არ აქვს

მწერალ ლაშა თაბუკაშვილის ინფორმაციით, დღეს მომხდარ ინციდენტში გიორგი მგელაძე არაფერ შუაშია, ხოლო მისი შვილი კანონის წინაშე პასუხს აგებს.

თაბუკაშვილმა "ინტერპრესნიუსთან" საუბარში დაადასტურა, რომ მისი შვილი აპირებს პოლიციას ჩაბარდეს. "არანაირი გამართლება ჩემი შვილის საქციელს არ აქვს. როგორც არ უნდა ყოფილიყო გაღიზიანებული, რაც გააკეთა, იმაზე პასუხი უნდა აგოს და ეს ასეც მოხდება. გია მგელაძე არაფერ შუაშია. ის უბრალოდ გარეთ იჯდა. არც უნახავს, შიგნით რა მოხდა, მერე შევიდა. რეზიკო პასუხს აგებს თავის საქციელზე", - აღნიშნა ლაშა თაბუკაშვილმა და დასძინა, რომ ოჯახი ძალადობას გმობს.

არსებული ინფორმაციით, ზურაბ ჭიაბერაშვილს და ნოდარ ლადარიას აბაშიძის ქ. #22-ში მდებარე ლიტერატურულ კაფეში დღეს რეზო თაბუკაშვილი უმცროსი და რეჟისორი გიორგი მგელაძე თავს დაესხნენ.

"ინტერპრესნიუსი"