ეთერ კაკულიას მძიმე დიაგნოზი დაუსვეს - მომღერალს სასწრაფო ოპერაცია ესაჭიროება

ეთერ კაკულიას მძიმე დიაგნოზი დაუსვეს და საზღვარგარეთ სასწრაფო ოპერაცია ესაჭიროება. Ambebi.ge ეთერ კაკულიას დაუკავშირდა:

– ქალბატონო ეთერ, რა დიაგნოზი დაგისვეს?

– რამდენიმე ხნის წინ კისტის ოპერაცია გავიკეთე, ამან გამოიწვია ლიმფური კვანძების ანთება, რომელიც ძალიან სახიფათოა. ამიტომ გადავწყვიტე სამკურნალოდ ისრაელში გავემგზავრო. ქიმიოთერაპიის კურსი მესაჭიროება, აქ კი გავიკეთე რაღაცები, მაგრამ მგონი უშედეგო იყო, ექიმებმა მირჩიეს, სასწრაფოდ გავემგზავრო ისრაელში და იქ განვაგრძო მკურნალობა.

– როდის მიემგზავრებით?

– ჯერ ზუსტი დრო არ ვიცი, რადგან დაფინანსებაა საჭირო.

– ვინ დაგპირდათ დახმარებას?

– არავისთვის მითხოვია დამეხმაროს, მაგრამ ვიცი ამაზე უარს არავინ მეტყვის და ყველა გამოიჩენს გულისხმიერებას.

Ambebi.ge მომღერალს მალე გამოჯანმრთელებას უსურვებს.