"ერთხელ ზებრალენდში", ანუ ვინ ცდილობს "დიდი მაყუთით დატყდომას" და ვინ ვის "გარდაუვალ განადგურებას ზეიმობს"

"ნაციონალური მოძრაობის" ერთ-ერთი ლიდერი გივი თარგამაძე "ფეისბუქის" საკუთარ გვერდზე "ქართული ოცნების" წევრების ფოტოს აქვეყნებს და ფოტოზე გამოსახულ პოლიტიკოსებს სათითაოდ ახასიათებს.

"Once upon a time in zebraland: პირველ რიგში პირველი დიდი მაყუთით დატყდომას ცდილობს; მეორე გვერდით მდგომის ფიასკოთია აღფრთოვანელი და მის გარდაუვალ განადგურებას ზეიმობს ჯერ გულში; კომპოზიციის ცენტრალური ფიგურა უკვე თავადაც ეჭვობს, რომ გაიარა; პირველ რიგში ბოლოს წინა ფიქრობს რეგიონში დაბრუნებას; პირველ რიგში უკანასკნელი ზოგადად უკანასკნელია და მიუხედავად იმისა, რას ამბობს ან გამოხატავს, ასხივებს რეფრენს: მე რა ვქნა, მეეე და იცით რაც; უკანა რიგში ერთი ორი წლის წინანდელ დროზე ოცნებობს, მეორეს კი უხარია, რომ არავინ არ იცის, ვინაა. და რა თქმა უნდა, მთელი თბილისელი ბიჭებისთვის უკვდავი ფრაზა, ამჯერად ჰაკიმისგან კალაძესთვის თქმული: lapsha, ja poskolznulsja!", - წერს ფოტოს აღწერაში თარგამაძე.