იოდის დეფიციტი მავნებლობის შესახებ ბევრს წერენ. ის, რომ იოდის ნაკლებობა ადამიანის ორგანიზმს დიდ ზიანს აყენებს და განსაკუთრებით ბავშვებშია საშიში, უკვე ყველამ იცის. აღნიშნულ საკითხებს ხშირად იკვლევენ მეცნიერები.
ტასმანიის უნივერსიტეტის სპეციალისტებმა მასშტაბური კვლევა ჩაატარეს და მივიდნენ იმ დასკვნამდე, რომ იოდდეფიციტი ბავშვის ინტელექტზე მოქმედებს. კვლევის შედეგების თანახმად, იმ ბავშვებს, რომელთა დედებსაც ორსულობის დროს იოდდეფიციტი ჰქონდათ, უფრო უჭირთ ახალი უნარების ათვისება, სწავლა და მართლწერაშიც პრობლემები აქვთ. თუმცაღა ისიც აღსანიშნავია, რომ ამავე ნივთიერების დაბალი დონე თურმე არ ახდენს გავლენას მათემატიკურ უნარებზე.