ვანესა პარადი ჯონი დეპის გარეშე იტანჯება

41 წლის ვანესა პარადი ბოლო დროს თაყვანისმცემლებს ძალიან ანერვიულებს. ჯონი დეპთან განქორწინების შემდეგ მსახიობი, რბილად რომ ვთქვათ, კარგად არ გამოიყურება, თუმცა ახლობლები ამტკიცებენ, რომ ვარსკვლავმა იპოვა საკუთარ თავში ძალები, გადალახა განშორება და ცხოვრება ხელახლა დაიწყო. მაგრამ მისი გარეგნობა საპირისპიროზე მეტყველებს.

ორშაბათს ლოს ანჯელესის აეროპორტში მსახიობი უცნაურად გამოწყობილი შენიშნეს. ობიექტივების წინ სპორტულ, ფართხუნა შარვალში, კაპიუშონიან რუხ ჟაკეტში და ჭუჭყიან ფეხსაცმელში გამოჩნდა. მაგრამ ყველაზე მეტად არა მისი ჩაცმულობა, არამედ მსახიობის სახის ფერი და ჩაშავებული თვალები იწვევდა გაოცებას. აგორდა ხმები, რომ პარადიმ ვერ შეძლო დეპის დავიწყება და ამ ტრაგედიის გადალახვა.

მომზადებულია 7days.ru-ს მიხედვით.