რიკოთზე ამ დროისთვის მოძრაობა თავისუფალია
რიკოთის საუღელტეხილო მონაკვეთზე მოძრაობა თავისუფალია, - ამის შესახებ "ინტერპრესნიუსს" საავტომობილო გზების დეპარტამენტის თავმჯდომარემ, ვაჟა ფანჩულიძემ განუცხადა.
"თბილისი–სენაკი–ლესელიძის საავტომობილო გზის 146-ე კმ-ზე, სადაც გუშინ მეწყერი ჩამოწვა, ამ დროისთვის მოძრაობა ყველა სახის ავტოტრანსპორტისთვის თავისუფალია. წუხელ შეზღუდვა რჩებოდა მხოლოდ მისაბმელიანი და ნახევარმისაბმელიან ავტოტნასპორტზე და ღამის განმავლობაში ისინიც გავატარეთ. ამ დროისთვის გზის სავალ ნაწილზე გაწმენდითი სამუშაოები დასრულებულია", - განაცხადა ვაჟა ფანჩულიძემ.
მისივე განმარტებით, გაწმენდითი სამუშაოები გრძელდება სპეციალურად მოწყობილ ე.წ. ჯიბეზე, საიდანაც ნაშალი მასალა გააქვთ.
მისივე თქმით, შესაძლოა, ტექნიკის გასვლა-გამოსვლასთან დაკავშირებით დღის განმავლობაში საავტომობილო მოძრაობის შეზღუდვა მცირე დროით მოხდეს.
თბილისი–სენაკი–ლესელიძის საავტომობილო გზის 146–ე კმ–ზე მეწყერი გუშინ, დაახლოებიტ 14:00 საათზე ჩამოწვა. ამის გამო ავტოტრანსპორტისთვის მოძრაობა დროებით აკრძალული იყო.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
