სოფო მოსიძემ "მოამბე" დატოვა და მთავრობის ადმინისტრაციის პრესსამსახურის უფროსად ინიშნება

ჟურნალისტი სოფო მოსიძე მთავრობის ადმინისტრაციის პრესსამსახურის უფროსად ინიშნება. ამის შესახებ ინფორმაცია "ინტერპრესნიუსს" მთავრობის ადმინისტრაციაში დაუდასტურეს.

სოფო მოსიძე ამ თანამდებობაზე ნონა ყანდიაშვილის ადგილს დაიკავებს, რომელიც რამდენიმე თვეა ვაკანტურია.

მოსიძე ბოლო პერიოდში საზოგადოებრივი მაუწყებლის საინფორმაციო სამსახურს ხელმძღვანელობდა.