Porsche-ს ტესტ-დრაივი და Auto bild-ი საქართველოს გუნდში
ახალი Porsche Cayenne S-ის საერთაშორისო ოფიციალური ტესტ-დრაივი გუშინ, თურქეთის ქალაქ ტრაბზონში დაიწყო და საქართველოში გრძელდება. ამ ერთკვირიან თავგადასავალში, რომელსაც Porsche Performance Drive ჰქვია, 10 ქვეყნის 14 გუნდი მონაწილეობს - მათ შორის, "პორშეს" საქართველოს გუნდიც, რომელიც ასეა დაკომპლექტებული: ქეთევან ხუნწარია (პორშეს თბილისის ცენტრი), შალვა ბუაჩიძე (ჟურნალი AUTO BILD საქართველო), პაატა იაკობაშვილი (რუსთავი 2) და აკო ახალაია (marketer.ge).
მონაწილეებმა სტარტი თურქეთში აიღეს, გუშინ საღამოს სარფიდან საქართველოში შემოვიდნენ, დღეს დილიდან კი თბილისში მოემგზავრებიან. თბილისის შემდეგ Porsche Cayenne S-ის მასშტაბური ტესტ-დრაივი სტეფანწმინდაში გაგრძელდება, მომდევნო და ბოლო გაჩერება კი აზერბაიჯანის დედაქალაქი ბაქოა.
მარშრუტი "პორშეს" მიერაა შერჩეული და ღონისძიების ორგანიზატორიც სწორედ ეს ლეგენდარული გერმანული ავტომწარმოებელია. საერთო ჯამში მონაწილეებმა 1550 კილომეტრი უნდა გაიარონ.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
