ყოფილმა პატიმარმა ცოდვების გამოსყიდვის მიზნით, ქალს საკუთარი თირკმელი მისცა

ყოფილმა პატიმარმა, 32 წლის უესლი ჯოიმ და ორი შვილის დედამ, სალი-ენ გრეინდერმა, ერთმანეთის არსებობის შესახებ არაფერი იცოდნენ, სანამ სალიმ ადგილობრივ გაზეთს დახმარების თხოვნით არ მიმართა, ეპოვათ დონორი თირკმლის გადასანერგად, რომლის გარეშეც ის ვერ იცოცხლებდა. თხოვნას 10 ადამიანი გამოეხმაურა, მათ შორის ყოფილი პატიმარი უესლი ჯოი.

ამჟამად, ქალბატონი გრეინდერი რეაბილიტაციის კურსს გადის და აღნიშნავს, რომ ძალიან ბედნიერია, რადგან აქვს შანსი საკუთარი შვილების გაზრდის პროცესის მონაწილე იყოს. "არც კი ვიცი, როგორ გამოვხატო მადლიერება. გაოცებული ვიყავი, როდესაც სრულიად უცნობი ადამიანი დამთანხმდა ჩემი დონორი ყოფილიყო. მეგონა, რომ ასეთი რამე მხოლოდ კინოში ხდება".

უესლის თქმით, მან ეს საქციელი ცოდვების გამოსყიდვის მიზნით ჩაიდინა.