ანდრეი ლისენკო - ანტიტერორისტული ოპერაციის დაწყებიდან, 11 ოქტომბრის მონაცემებით, 1 052 უკრაინელი სამხედრო დაიღუპა

აღმოსავლეთ უკრაინაში, 11 ოქტომბრის მონაცემებით, 1 052 უკრაინელი სამხედრო დაიღუპა. ამის შესახებ უკრაინის ეროვნული უსაფრთხოებისა და თავდაცვის საბჭოს პრესსპიკერმა ანდრეი ლისენკომ განაცხადა. მისივე განცხადებით, დაკარგულად ითვლება 400-ზე მეტი ადამიანი, 399 კი მძევლად არის აყვანილი. როგორც ანდრეი ლისენკომ აღნიშნა, ანტიტერორისტული ოპერაციის მსვლელობისას 4 079 ადამიანი დაიჭრა. უკრაინული მედიის ცნობით, გასული დღე-ღამის განმავლობაში ხუთი უკრაინელი სამხედრო დაიღუპა.