ფოთში პოლიცია რეიდებს ატარებს

ფოთში პოლიციის რეიდები მიმდინარეობს. როგორც "ინტერპრესნიუსის" კორესპონდენტი იუწყება, საპატრულო და კრიმინალური პოლიციის მანქანები ქალაქის ქუჩებში გადაადგილდებიან. შემოწმებას ნიღბიანი, ჯავშანჟილეტებითა და ავტომატური ცეცხლსასროლი იარაღით შეიარაღებული პირებიც აწარმოებენ. ისინი ავტომანქანების მძღოლებს აჩერებენ, მათი ვინაობით ინტერესდებიან, დოკუმენტაციას თხოვენ და საბარგულებს ამოწმებენ.

მსგავსი რეიდები ფოთში 2 თვის წინაც გახორციელდა. თუ რას უკავშირდება შემოწმებები, ამის შესახებ კომენტარს ფოთის პოლიციაში არ აკეთებენ.