საინტერესო ისტორიები ყოფით ნივთებზე, რომლებიც აქამდე არ იცოდით

ჩვენს გარშემო უამრავი რამაა, რის წარმოშობაზეც არასდროს დავფიქრებულვართ, რადგან ისინი ჩვენი ყოველდღიური რუტინის განუყრელ ნაწილად იქცნენ. ამის მიუხედავად, მათ მიღმა საოცარი ისტორიები იმალება. გთავაზობთ რამდენიმე მათგანს:

სანტიმეტრი

მსოფლიოში მხოლოდ სამი ქვეყანა არსებობს, რომელიც არ იყენებს მეტრულ სისტემას: მიანმა, ლიბერია და აშშ. ლიბერიამ უკვე ნაწილობრივ მიიღო იგი, მიანმა გადასვლის პროცესში იმყოფება, რაც ამერიკის შეერთებულ შტატებს მარტოობაში ტოვებს. მთელი დანარჩენი სამყაროსთვის, მეტრული სისტემა ყოველდღიური ცხოვრების განუყრელი ნაწილია. პირველად იგი 1795 წელს, საფრანგეთში წარმოადგინეს, რის შემდეგაც სანტიმეტრმა მალევე მოიპოვა პოპულარობა ევროპაში. საბოლოო ჯამში, მან მოიცვა აზია, აფრიკა და მთელი მსოფლიო.

მისი წარმოშობა საფრანგეთის რევოლუციას უკავშირდება, როდესაც გლეხები ხელისუფლების წარმომადგენლებისგან წონისა და ზომის ერთეულების უნიფიცირებას მოითხოვდნენ. საფრანგეთის აკადემიამ საკუთარ ყველაზე ავტორიტეტულ ასტრონომებს - პიერ ფრანსუა-ანდრე მეშენსა და შარლ მესიეს დაავალა, გაეზომა ეკვატორსა და ჩრდილოეთ პოლუსს შორის არსებული მანძილის ერთი-ათიმემილიონედი. სწორედ ამ მანძილის სახელწოდება უნდა ყოფილიყო "მეტრი". ამის გასაკეთებლად მესიე ჩრდილოეთით უნდა წასულიყო, დიუნკერკში, ხოლო მეშენი სამხრეთით - ბარსელონაში.

ბარსელონიდან მონაცემების გაგზავნის შემდეგ, მეშენს უბედური შემთხვევა დაემართა. სანამ იგი ძალების მოკრებას ცდილობდა, საფრანგეთსა და ესპანეთს შორის ომი დაიწყო, რის გამოც, მას ერის მოღალატე უწოდეს და შინაპატიმრობა მიუსაჯეს. შინაპატიმრობის დროს, მეშენმა ყურადღებით დაიწყო საკუთარი ჩანაწერების გადაკითხვა, რის შემდეგაც, შეცდომა აღმოაჩინა. ასტრონომი საფრანგეთში დაბრუნდა, თუმცა, რაიმე სახის ჩასწორების გაკეთება უკვე გვიანი იყო. მიუხედავად ამისა, იგი მაინც ცდილობდა ყველაზე ზუსტი ჩანაწერის პოვნას, მაგრამ ბარსელონაში დაბრუნების შემდეგ მალარიით დაავადდა და გარდაიცვალა.

ტუალეტის ქალღალდი

ტუალეტის ქაღალდის გამოყენება მეექვსე საუკუნის ჩინეთს უკავშირდება. მეცხრე საუკუნეში მუსულმანებმა, ჩინეთის მონახულების შემდეგ, ზიზღით აღნიშნეს, რომ ჩინელები "არ ზრუნავენ სისუფთავეზე და დაბანის ნაცვლად, ქაღალდით სარგებლობენ".

1391 წელს ჩინელმა იმპერატორმა ტუალეტის ქაღალდის სერიული წარმოების ორგანიზების ბრძანება გასცა. იმპერატორის პირადი მოხმარებისთვის, წელიწადში 720 000 ქაღალდის რულონის გამოშვება დაკანონდა. დაახლოებით, 300 წლის შემდეგ, ჯოზეფ გაიეტიმ საზოგადოებას ტუალეტის ქაღალდის, სახელწოდებით "მკურნალი ქაღალდის" შეკვრა წარმოუდგინა. ქაღალდები, დარბილების მიზნით, ალოეთი იყო დაფარული. ყოველი პაკეტი 500 ფურცლისგან შედგებოდა და 0,50$ ღირდა. ჯოზეფის სახელი ყოველ შეკვრაზე იბეჭდებოდა, რათა ადამიანების მეხსიერებაში იგი სამუდამოდ ჩაბეჭდილიყო.

სელფი

ტექნოლოგიური მიღწევები საშუალებას გვაძლევს სამუდამოდ აღვბეჭდოთ მშვენიერი მომენტები. ფოტოგადაღების პირველი იდეა ჩინელ ფილოსოფოსს მო-ცზის, მეხუთე საუკუნეში გაუჩნდა. გარდა ამისა, ცნობილია, რომ თვით არისტოტელეც კი იყენებდა "კამერა-ობსკურას" მთვარის დაბნელებისთვის თვალყურის სადევნებლად. სარკეებით დაინტერესებამ შუა საუკუნეებში, ავტოპორტრეტებამდე მიგვიყვანა. პირველი "სელფი" 1839 წელს მოყვარული ქიმიკოსის და ფილადელფიელი ფოტოგრაფ-ენთუზიასტის, რობერტ კორნელიუსის მიერ იყო გაკეთებული. დაგეროტიპის გამოყენებით, მან პირველი "სელფი" გადაიღო. ათწლეულების შემდეგ, მოდაში ჯგუფური სელფები შემოვიდა, რაზეც ჯოზეფ ბაირონისა და მისი მეგობრების მიერ, 1909 წელს გადაღებული სურათი მეტყველებს. მოდის გავლენის ქვეშ 1914 წელს, რომანოვების ქალიშვილი ანასტასიაც მოექცა.

ქალის ჰიგიენური პაკეტები

ძველ ეგვიპტეში ქალის მენსტრუაციული ციკლი ნილოსის მდინარესთან ასოცირდებოდა, რომელიც განახლებისა და ნაყოფიერების სიმბოლოს წარმოადგენდა და სავარაუდოდ, სამკურნალოდ გამოიყენებოდა. ძველი ევიპტელები, ბერძნები და რომაელები უამრავი მასალისგან ცდილობდნენ ჰიგიენური პაკეტების შექმნას, მათ შორის: პაპირუსისგან, მატყლისგან, ცხოველების ტყავისგან და ბალახისგანაც კი.

1896 წელს ჯოზეფ ლისტერმა, სწორედ იმ ადამიანმა, რომელმაც მილიონობით ადამიანი დაარწმუნა პირის და ხელების დაბანის აუცილებლობაში,  შთააგონა ძმებ ჯონსონებს ჰიგიენური პაკეტების შექმნა, თუმცა, პროექტი მალევე ჩავარდა, რადგან ქალები არ იყვნენ მზად, ასეთი ნივთები სახალხოდ შეძინათ.

1998 წელს არუნაჩალამ მურუგანანტამს მობეზრდა საკუთარი მეუღლის წუწუნის მოსმენა, რის შემდეგაც მან იაფიანი პაკეტების შექმნა გადაწყვიტა.