გოგა ხაჩიძისთვის ნასროლი საგანი ლევან ბერძენიშვილს მოხვდა

პარლამენტში მომხდარი ხელჩართული დაპირისპირებისას, რომელშიც დეპუტატების თითქმის სრული შემადგენლობა ჩაერთო, რამდენიმე პარლამენტარს საგანიც მოხვდა. მათ შორის იყო აკაკი ბობოხიძე, რომელსაც ოპონენტები მიკროფონით გაუსწორდნენ და ლევან ბერძენიშვილი, რომელსაც, როგორც გოგა ხაჩიძე ამბობს, მისთვის ნასროლი საგანი მოხვდა.

"დარბაზიდან გასული ვიყავი.

დაბრუნებისას გავიგე რომ დარბაზში ჩხუბი იყო.

შევედი, დიდი აურზაური დამხვდა.

უცბად ვერაფერში გავერკვიე, ჩემს ადგილზე ავედი და ჩემი ნივთების ჩალაგება დავიწყე. ამასობაში ზვიადაურის დამშვიდებას შევეცადე და რომ ვიფიქრე სიტუაცია განმუხტვისკენ მიდიოდა - ატყდა ამბავი.

მიკროფონების სროლა, ლანძღვა-გინება და ფიზიკური აგრესია.

როგორ და რა მომენტში ვერ ვიხსენებ, მაგრამ ჩემსა და აგრესორებს შორის ბ-ნი ლევან ბერძენიშვილი აღმოჩნდა და ჩემი მიმართულებით ნასროლი საგანი მოხვდა.

გულწრფელად ვწუხვარ.

დანარჩენზე ლაპარაკიც არ მინდა", - დაწერა გოგა ხაჩიძემ "ფეისბუქის" პირად გვერდზე.

პარლამენტში ჩხუბის ყველა დეტალი თეგზე #ჩხუბი პარლამენტში

იხილეთ ჩხუბის ვრცელი ვიდეოჩანაწერი