მსოფლიოში ყველაზე ცივი სოფელი

თუკი ფიქრობთ, რომ ზამთარი უკვე მოგიახლოვდათ, მაშინ ოიმიაკონის სურათები აზრს სრულიად შეგაცვლევინებთ.

იანვარში, იაკუტიის ამ სოფელში არსებული საშუალო ტემპერატურა -50°-ია. ამიტომაც არ არის გასაკვირი, რომ დასახლებულ პუნქტს მსოფლიოში ყველაზე ცივი ადგილის სახელი აქვს. 1933 წელს, ოიმიაკონში -67,7° დაფიქსირდა.

აქ იშვიათად ხარობს რამე - ადგილობრივი მცხოვრებლები ძირითადად ირმებისა და ცხენის ხორცს მიირთმევენ. სოფელში ერთადერთი მაღაზიაა, მოსახლეობის უმრავლესობა კი ირმის მწყემსებად, მონადირეებად და მეთევზეებად მუშაობს. ისინი გასათბობად შეშის ღუმელებს იყენებენ.

სოფლის ერთადერთი ადგილობრივი სკოლა მხოლოდ მაშინ იკეტება, როდესაც ტემპერატურა -52° -ზე დაბლა ჩამოდის. გზას ოიმიაკონისკენ "ძვლების გზა" უწოდეს.

ახალ ზელანდიელმა ფოტოგრაფმა გადაწყვიტა, მსოფლიოში ყველაზე ცივი სოფელი ფოტოფირზე დაეფიქსირებინა და რამდენიმე დღე ადგილობრივ მაცხოვრებლებთან ერთად გაატარა.

იხილეთ გალერეა