8-საათიანი ალყის დასასრული: ტერორისტები ლიკვიდირებულია, მძევლები თავისუფლები

ჟურნალ "Charlie Hebdo"-ს რედაქციაზე თავდამსხმელი ძმები შერიფ და საიდ კუაშები ქალაქ დამარტენ-ან-გოელში შტურმის დროს დაიღუპნენ, - ამის შესახებ ინფორმაციას უცხოური მედია ავრცელებს.

სპეცოპერაცია საფრანგეთის ქალაქ დამარტენ ან გოელში დღეს დილით დაიწყო. სამართალდამცველებმა ალყა შემოარტყეს ერთ-ერთი შენობის საწყობს, სადაც სავარაუდოდ, "შარლი ებდოს" რედაქციაზე თავდამსხმელი ძმები - შერიფ და საიდ კუაშები მიიმალნენ.

არსებული ინფორმაციით, მათ ერთი ქალი ჰყავდათ მძევლად აყვანილი. შენობის შტურმი რამდენიმე წუთის წინ დაიწყო და არსებული ინფორმაციით, თავდამსხმელების ლიკვიდაციით დასრულდა.

Le Monde-ს ინფორმაციით, ვინსენსის გარეუბანში ქაშერულ მაღაზიაში შეჭრილი თავდამსხმელიც ლიკვიდირებულია. ვინსენსის გარეუბანში, სადაც ტერორისტმა მძევლები აიყვანა და დამარტენ-ან-გოელში, სადაც Charlie Hebdo-ს რედაქციაზე თავდამსხმელი ძმები კუაშები იმყოფებოდნენ, შტურმი ერთდროულად დაიწყო.

სამართალდამცველების ინფორმაციით, ძმები შერიფ და საიდ კუაშები პოლიციელების მიერ ლიკვიდირებული არიან.

ჟურნალ "Charlie Hebdo"-ს რედაქციაზე თავდამსხმელი ძმები შერიფ და საიდ კუაშების დაკავების სპეცოპერაცია საფრანგეთის ქალაქ "დამარტენ ან გოელში" დღეს დილით დაიწყო. მოგვიანებით, ვინსენსის გარეუბანში ქაშერულ მაღაზიაში შეიჭრა მამაკაცი, სავარაუდოდ, ამედი კულიბელი და ხუთი ადამიანი მძევლად აიყვანა.

ნახეთ ვიდეო