ჭერემში მე-10 საუკუნის ისტორიული ძეგლი ინგრევა

გურჯაანის მუნიციპალიტეტის სოფელ ჭერემის მოსახლეობა უძველესი კულტურული ძეგლის რესტავრაციას ითხოვს. ღვთისმშობლის სახელობის ტაძარი დაახლოებით მე-10 საუკუნისაა და მისი მდგომარეობა დღითიდღე უარესდება.

ჭერემის მოსახლეობის თქმით, ტაძრის რეაბილიტაცია უმნიშვნელოვანესია, რადგან კომუნისტების შემდეგ ამ ისტორიულ-კულტურული ძეგლისთვის ყურადღება არავის მიუქცევია. ადგილობრივები ამბობენ, რომ 20-25 წლის წინ ტაძრის კედელი ხის ბოძებით და რკინებით გაამაგრეს, ე.წ. ტროსით დაჭიმეს, რომ არ გადავარდნილიყო, მაგრამ ახლა ეს ბოძებიც ვეღარ შველის. ამასთან, ფრესკები, რომელიც რამდენიმე წლის წინ მკრთალადღა ჩანდა, წვიმამ ჩამორეცხა.

ასევე დანგრევის პირასაა ტაძრის უძველესი გალავანი, რომელიც სოფელს მტრის შემოსევებისგან იცავდა.

ეს ისტორიული ტაძარი კახეთის გუბერნატორმა ირაკლი შიოლაშვილმა თავად დაათვალიერა და ჭერემელებს დახმარებას დაჰპირდა.

იხილეთ ვრცლად

”სპექტრი”