"დაბრუნდით ადგილზე, რომელზეც ხალხმა მოგაბრძანათ და რაც დაგვპირდით, შეასრულეთ!!!" - მიშა გომიაშვილი ივანიშვილს მიმართავს
მარჯანიშვილის თეატრის მსახიობი მიშა გომიაშვილი ექს-პრემიერ ბიძინა ივანიშვილს მიმართავს. ტექსტში მსახიობი მილიარდერს იმ დაპირებებს ახსენებს, რომლითაც ივანიშვილი პოლიტიკაში მოვიდა და მოუწოდებს, რომ დაბრუნდეს პრემიერ-მინისტრის პოსტზე, რათა შეასრულოს დაპირებები.
"ღია წერილი ბატონ ბიძინა ივანიშვილს...
არ დავიწყებ მადლობებით... ეს თქვენი სურვილი იყო, რასაც აკეთებდით ძალიან ბევრი წლის მანძილზე... ბევრი ადამიანი გადაარჩინეთ შიმშილით სიკვდის... და ალბათ, კიდევ ბევრი რამ, რაც ჩვენ არ ვიცით...
თქვენ, პირადად თქვენ გამოგყვათ და დაიჯერა თქვენი ქართველმა ერმა... გაუჩნდა იმედის ნაპერწკალი ჩვენი ქვეყნის გადარჩენის,...სასიკეთო მომავლის....ბოლოს და ბოლოს ჩვენი მშვიდი ცხოვრების...იმედი იმისა, რომ ჩვენ სიცოცხლეს ასე ვეღარავინ ვეღარ ხელყოფს... და ყოველივე ამის და კიდევ ბევრის გარანტად თქვენ გვესახებოდით!!!
ნუთუ "ოცნებამ" მხოლოდ ოცნება დაგვიტოვა... მე ვერავინ დამაჯერებს იმას, რომ თქვენ არ გიყვართ საქართველო, რომ თქვენ არ შეგტკივათ გული საქართველოზე, რომ თქვენ არ ხართ დღეს ამაყი იმით, რაც გააკეთა მამა ილია კართოზიამ... რომ თქვენ დღეს არ შეგრძრათ მამა ვაზაგაშვილის მკვლელობამ... მე რომ არ ვიყო ყველაფერში ამაში დარწმუნებული, არც მოგმართავდით....
ამითომ, მოგმართავთ, თხოვნით, და მოვითხოვ თქვენგან, როგორც დაიწყეთ, როგორც დაგვპირდით... კეთილი ინებეთ და მობრძანდით, დაბრუნდით თქვენს ადგილზე, ადგილზე, რომელზეც ქართველმა ხალხმა მოგაბრძანათ, და რაც დაგვპირდით, შეასრულეთ!!!
იმედი მაქვს, ეს თხოვნა- მოთხოვანა სრულიად საქართველოს მოსახლეობის მოთხოვნაა...
წინააღმდეგ შემთხვევაში, ახია ჩვენზე ყველაფერი....
პატივისცემით, მიშა გომიაშვილი", - წერს გომიაშვილი.
"დღეს გაიარა პოლიციის პიკაპებმა, რომლის უკანა სავარძელზეც "ენკას" მუშები ისხდნენ, ეს პოლიციის ფუნქცია არ არის" - ახალი ცნობები რიონის ხეობიდან
"ნამახვანჰესის" მოწინააღმდეგეებსა და პოლიციას შორის კიდევ ერთი დაპირისპირება მოხდა - "ბარიკადი უკანონოდ დევს, ამიტომ უნდა აიღონ"
