ლიზა ვადაჭკორია ბებია გახდა

ჩვენი კოლეგა, ჟურნალისტი ლიზა ვადაჭკორია, 31 იანვარს ბებია გახდა. მას პირველი შვილიშვილი შეეძინა. როგორც ამბობს, პატარა დაჩი შუბლაძე თავისი დიდი ბებიის დაბადების დღეს გაჩნდა.

ლიზა:

- დიახ, ბებია გავხდი. სასიამოვნო გრძნობაა...

- ახალგაზრდა ბებია ხარ.…

- კი, მაგრამ ეს ყველაფერი ძალიან სასიამოვნოა და ამ გრძნობას ყველას ვუსურვებ. გარშემო, სამსახურშიც ყველა ბებოს მეძახის, დამცინიან კიდეც, მაგრამ რა გითხრათ, ამ სიახლით უბედნიერესი ვარ...

- როგორ მოხდა ყველაფერი, მოგვიყევი...

- ჩემი შვილი ია, მე მაწყნარებდა, - დედა, ყველაფერი კარგად იქნება და სამშობიაროში ჯერ არ მოხვიდეო. არადა, კლინიკაში რომ მივედი, მუსიკა ჩაირთო და გილოცავთ, ბიჭი შეგეძინათო...

მოკლედ, ძალიან მაგარი გრძნობაა... ბავშვი 3 კილოგრამი და 50 სანტიმეტრია. დაჩი მშობლებმა დაარქვეს. ეს სახელი მოსწონდათ. საყვარელი ბაიაა, - მშვიდი და არაჭირვეული.

კლინიკიდან დიდი ზარ-ზეიმით უნდა გამოვიყვანოთ. ჩვენი ტელევიზია "მიუზიკ ბოქსი" გადაიღებს.

უკვე საჩუქრებსაც ვღებულობთ. ანი გიუნტერმა ძალიან ლამაზი ქურთუკი აჩუქა...

- გილოცავთ, ბედნიერი ბავშვი ყოფილიყოს.

ლალი ფაცია