ზუგდიდში მოვაჭრეებმა სალარო აპარატების დაწესება გააპროტესტეს
ზუგდიდში სავაჭრო ცენტრის "ალიანსის" მოვაჭრეთა ნაწილმა საპროტესტო აქცია გამართა. ისინი სალარო აპარატების დაწესებასთან დაკავშირებით, შემოსავლების სამსახურის გადაწყვეტილებას აპროტესტებენ.
"ალიანსის" მოვაჭრეები აცხადებენ, რომ ისინი ყოველთვიურად იხდიან დაკავებული დახლის გადასახადს სანტიმეტრების მიხედვით, რაც საკმაოდ სოლიდური თანხა გამოდის. გამომდინარე აქედან, მათი თქმით, ე.წ. დახლის მოვაჭრეებისთვის სალარო აპარატები არ უნდა დაწესდეს.
მოთხოვნის შეუსრულებლობის შემთხვევაში, "ალიანსის" თანამშრომლები აცხადებენ, რომ საპროტესტო აქციებს ყოველდღიურ რეჟიმში გააგრძელებენ, როგორც სავაჭრო ცენტრთან, ისე შემოსავლების სამსახურის ზუგდიდის ოფისთან. მათი თქმით, თუკი მათი მოთხოვნა არ შესრულდება, 21 მარტს "ერთიანი ნაციონალური მოძრაობის" მიერ დაგეგმილ აქციას შეუერთდებიან.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
