ახალციხეში "ნაციონალური მოძრაობის" საწინააღმდეგო პლაკატები გამოჩნდა

"ყველა ციხეში"; "ორი გვამი მინდა"; "გასამართლდეს ნაცმოძრაობის დამნაშავე რეჟიმი" - ასეთი წარწერებიანი პლაკატები გამოჩნდა ახალციხეში. "ერთიანი ნაციონალური მოძრაობის" საწინააღმდეგო პლაკატები თითქმის მთელს ქალაქშია გაკრული. ჯერჯერობით უცნობია, ვინ გააკრა მსგავსი შინაარსის პლაკატები.

"ნაციონალური მოძრაობის" ახალციხის ორგანიზაციის ოფისში, ქალაქში გაკრულ პლაკატებს მმართველ გუნდს უკავშირებენ და აცხადებენ, რომ ისინი ხელისუფლების წახალისებით გაიკრა. ორგანიზაციის თავმჯდომარის გელა დემეტრაძის თქმით, აღნიშნული ფაქტი იმის მანიშნებელია, რომ მმართველი ხელისუფლება პანიკაშია.

"ის ფაქტი, რომ ოპოზიციას უწყობენ აქციებს, აკრავენ მათ საწინააღმდეგო პლაკატებს და ამზადებენ გაზეთებს პირველად მესმის, ეს იმის მანიშნებელია, რომ ხელისუფლება პანიკაშია და მათ მართლა მოუწევთ გადადგომა, ხელისუფლების დათმობა იმ ძალებისთვის ვისაც მართლა შეუძლია ქვეყნის მართვა და საქმის კეთება", - ამბობს გელა დემეტრაძე.

წყარო: sknews.ge

”სამხრეთის კარიბჭე”