უკრაინის რადას ტრიბუნა ბლოკირებულია
პარტია "სვაბოდას" წევრებმა უკრაინის უმაღლესი რადას ტრიბუნის ბლოკირება მოახდინეს. ამის შესახებ "ლიგა.ნეტი" იტყობინება.
გავრცელებული ცნობით, დეპუტატები პრემიერ-მინისტრ არსენი იაცენიუკის წინააღმდეგ არსებული ბრალდებების გამოძიებას ითხოვენ. პარტია "სვაბოდას" დეპუტატებმა ტრიბუნა პარლამენტის სესიის დაწყებისთანავე დაიკავეს. პარალელურად, პარლამენტის შენობასთან ასობით ადამიანი შეიკრიბა. მათ ხელში ეროვნული და პარტიის დროშები ეჭირათ და იაცენიუკის წინააღმდეგ კორუფციის შესახებ ბრალდებების გამოძიებას ითხოვდნენ. ისინი ასევე აცხადებენ, რომ გამოძიების პერიოდში იაცენიუკმა პოსტი უნდა დატოვოს.
არსენი იაცენიუკს ფინანსური ინსპექციის სამსახურის ყოფილი ხელმძღვანელი ნიკოლაი გორდიენკო კორუფციაში ადანაშაულებს. პარტია "სვაბოდა" გუშინდელ სხდომაზე დროებითი საპარლამენტო კომისიის მოწვევის ინიციატივით გამოვიდა, რომელიც აღნიშნულ საქმეს გამოიძიებს.
სიახლე!
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
