როგორ გამოიყურება პოლიციის მკვლელობაში ბრალდებული აბულაძის გადამწვარი რესტორანი

ბორჯომში, 9 აპრილის ქუჩაზე მდებარე კაფეში ხანძარი გაჩნდა და ობიექტი ნაწილობრივ დაიწვა. არსებული ინფორმაციით, კაფე "1+2"-ს გასულ ზაფხულს, პოლიციელის მკვლელობაში ეჭვმიტანილი შალვა აბულაძე ამუშავებდა. კაფეში სამზარეულოა დამწვარი.

აღნიშნულ ფაქტთან დაკავშირებით ბორჯომის სახანძრო-სამაშველო სამსახურში შეტყობინება არ შესულა. მომხდარს თვითმხილველები არ ჰყავს.

თუმცა ხანძრის ფაქტს ადასტურებს საქართველოს შინაგან საქმეთა სამინისტრო. შსს-ს ინფორმაციით, მომხდარზე ძიება სისხლის სამართლის კოდექსის 187-ე მუხლით დაიწყო, რაც სხვისი ნივთის დაზიანება/განადგურებას გულისხმობს.

ფაქტის ამსახველ პირველ ფოტომასალას ადგილობრივი ტელევიზია "ბორჯომი" საკუთარ ვებგვერდზე ავრცელებს.

წყარო: borjomi.tv

borjomi.tv