გიორგი ღვინიაშვილის ბიუროსთან "ქართული ოცნების" მხარდამჭერები არიან მობილიზებული

"ძირს ნაციონალების სექტა"; "მოშორდი გურჯაანს ღვინიაშვილო" - ამ შინაარსის საპროტესტო პლაკატები და ცოცხი გააკრეს გურჯაანის მუნიციპალიტეტის გამგეობის შენობაში, "ნაციონალური მოძრაობის" მაჟორიტარი დეპუტატის გიორგი ღვინიაშვილის ბიუროს კარზე "ქართული ოცნების" მხარდამჭერებმა.

"ფარისეველო, გაუტანელო, სხვასთან თანმხლებო აქ, ორმოს მთხრელო, შე ჭრელო გველო, რამ შეგაძულა, თქვი საქართველო", - ეს გზავნილიც ღვინიაშვილის სამუშაო ოთახის კარზე მიჭედილი პლაკატიდანაა.

"დააცადონ ჩვენ მთავრობას მუშაობა. ყველაფერი დალაგდება და ყველაფერი კარგად იქნება. ღვინიაშვილს აქ დიდი ხანია არაფერი აღარ ესაქმება და მაგისი ფეხი აქ აღარ იყოს. იმიტომ ვართ მოსული დღეს ჩვენ", - უთხრა კახეთის საინფორმაციო ცენტრს "ქართული ოცნების" მხარდამჭერმა ლია გოლეთიანმა.

იხილეთ ვრცლად

კახეთის საინფორმაციო ცენტრი