ლაგოდეხში ავტოსაგზაო შემთხვევას 10 წლის ბავშვი ემსხვერპლა, რომელიც "როლიკებით" სეირნობდა

ლაგოდეხის მუნიციპალიტეტის სოფელ თამარიანში მომხდარ ავტოსაგზაო შემთხვევას 10 წლის ბავშვი ემსხვერპლა. თვითმხილველების ინფორმაციით, ბავშვს ავტომობილი იმ დროს დაეჯახა, როდესაც ის ე.წ "როლიკებით" ქუჩაში სეირნობდა.

როგორც კახეთის საინფორმაციო ცენტრს შინაგან საქმეთა სამინისტროში განუცხადეს, მომხდარზე გამოძიება სსკ-ის 276-ე მუხლის მე-5 ნაწილით დაიწყო, რაც გულისხმობს ტრანსპორტის ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.

წყარო: ick.ge

კახეთის საინფორმაციო ცენტრი