"მომავალში რა მოხდება, არ ვიცი" - ხმები გიორგი ნაკაშიძისა და ნინი ბრეგვაძის სიყვარულზე ტყუილი აღმოჩნდა

მუსიკალური პროექტი "X ფაქტორი" სულ უფრო აქტიურ ფაზაში შედის. მსმენელს პროექტში რამდენიმე ფავორიტი ჰყავს, თუმცა აჭარელი ჯარისკაცი გიორგი ნაკაშიძე მაყურებლის მთავარი რჩეულია, რასაც "ესემეს" შედეგებიც ადასტურებს.

ამბობენ, რომ გიორგიმ პროექტში პოპულარობის პარალელურად, სიყვარულიც იპოვა. ამბობენ, რომ მისი რჩეული პროექტის სკანდალური მონაწილე ნინი ბრეგვაძეა. ამბობენ, რომ გიორგის მიმართ ნინიც არ არის გულგრილი. ინფორმაცია თავად ნინისთან და გიორგისთან გადავამოწმეთ, თუმცა ორივე მათგანი ირწმუნება, რომ ეს ჭორია.

- გიორგი, ამბობენ, რომ თქვენ და ნინი ბრეგვაძეს მოგწონთ ერთმანეთი..

- არა, არ არის მართალი. მე და ნინი ვმეგობრობთ და ხალხს ჰგონია სიმპატიები გვაქვს ერთმანეთის მიმართ. მომავალში რა მოხდება, არ ვიცი.

ნინი ბრეგვაძე:

- ჭორია ეს, საიდან გაჩნდა არ ვიცი. ჩვეულებრივი ურთიერთობა გვაქვს, ისეთი, როგორიც სხვა კონკურსანტებთან.

- გიორგისგან გრძნობ რამე სიმპატიას?

- არა, არა. მეგობრები ვართ უბრალოდ. ძალიან კარგი ბიჭია გიორგი და ძალიან მიყვარს.

თამარ ბოჭორიშვილი

AMBEBI.GE