მე-11 კლასელთა საატესტატო გამოცდა, შესაძლოა, საშემოდგომოდ გადაიტანონ
მე-11 კლასელთა საატესტატო გამოცდა, შესაძლოა, საშემოდგომოდ იყოს გადატანილი. წუხანდელი სტიქიით გამოწვეულმა შედეგებმა ცვლილებები განათლებისა და მეცნიერების სამინისტროს გეგმებშიც შეიტანა.
როგორც მინისტრმა თამარ სანიკიძემ საგანგებო შტაბის სხდომაზე განაცხადა, ხვალისთვის დაგეგმილი პრეტესტი გაუქმდა, რადგან გარკვეულ სკოლებში არის პრობლემა ელექტროენერგიის მიწოდების თვალსაზრისით. მისივე თქმით, იმსჯელებენ ჩატარდეს თუ არა ზეგისათვის დაგეგმილი საატესტაციო გამოცდა. საქმე ეხება მე-11 კლასელთა გამოცდას, რომელიც სანიკიძის თქმით, შესაძლოა საშემოდგომოდ გადაიტანონ.
თამარ სანიკიძემ საგანგებო შტაბს სკოლებში არსებულ მდგომარეობაზე მიაწოდა ინფორმაცია.
"დილიდან აღიწერა თბილისის ყველა სკოლა, დაახლოებით 10 საჯარო სკოლას მიადგა მინიმალური ზარალი. ხდება ზარალის გამოსწორება, ერთი კერძო სკოლაა, "მომავლის სკოლა", რომელიც მზიურის ტერიტორიაზე მდებარეობს, საფუძვლიანად დაზარალდა და ცუდ მდგომარეობაშია. დანარჩენ სკოლებში ჩვეულებრივად წავა პროცესი", - განაცხადა თამარ სანიკიძემ.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
