გვიანი ღამის მოულოდნელობები: თბილისის სამ ქუჩაზე ასფალტი ჩავარდა

გუშინ, თბილისის სამ ქუჩაზე გზის სავალი ნაწილი ჩაინგრა. ასფალტის ჩავარდნის მიზეზი გამდინარე წყალი გახდა, რომელმაც ასფალტის ქვეშ მიწა გამორეცხა. გუშინდელი შემთხვევის შედეგად, დაზიანდა ჭავჭავაძის, ხოშტარიასა და მელიქიშვილის ქუჩები.

უსაფრთოების მიზნით, ზემოთ აღნიშნულ ქუჩებზე გზის სავალი ნაწილი ამ დრომდე შემოსაზღვრულია.

აღსანიშნავია, რომ დედაქალაქში ამ დროისთვის ავტოტრანსპორტით გადაადგილება გართულებულია. სტიქიის შედეგად დაზიანებული და გადაკეტილი გზების გამო, ავტოტრანსპორტის მოძრაობა შეფერხებულია და თითქმის მთელი ქალაქის მასშტაბით საცობებია.