"2010 წელს ივლიტამ და დათომ ჯვარი დაიწერეს. მათი ქორწილის დღესაც თავსხმა წვიმა იყო..."
ამ ადამიანების მომავალი, ოცნება და ფიქრები 13 ივნისის საბედისწერო ღამემ წალეკა, ადიდებულმა ვერემ დედას - შვილები, შვილებს - დედა, ქმარს - ცოლი, ძმას - დები წაართვა, მაგრამ მათი სახელები სამუდამოდ დარჩება საქართველოს ისტორიაში - ივლიტამ, ლიზამ, ინდირამ, სერგიმ, ზურამ, ჟანამ, სვეტამ... მთელი ქვეყნის გაერთიანება შეძლეს!
რამდენიმე წუთი ებღაუჭებოდა საყვარელი ადამიანის სიცოცხლეს, უკანასკნელი ძალით ებრძოდა სტიქიას... დიდხანს არ გაუშვეს ერთმანეთს ხელი, თუმცა... ადიდებულმა ვერემ ივლიტა გაიტაცა, მისი ცხედარი მესამე დღეს, "მზიურის" ტერიტორიაზე იპოვეს... დათო გადარჩა...
სტიქიის ღამეს ივლიტა მეგობარ მარიამ ქუთელიასთან ერთად გამოცდისთვის ემზადებოდა, ორი უნიჭიერესი გოგო უნივერსიტეტს ამთავრებდა - პრეზიდენტის სტიპენდიანტები ნათელი მომავლისთვის იბრძოდნენ. მარიამს სწავლის გასაგრძელებლად ჩეხეთში უნდოდა წასვლა. ივლიტაც გახარებული იყო, მალე სამსახურს იწყებდა, თანაც მთავრდებოდა რემონტი ახალ სახლში, სადაც საყვარელ მეუღლესთან ერთად უნდა გადასულიყო...
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
