ქეთა თოფურია ინტერნეტ-თაღლითების მსხვერპლი გახდა

ვარსკვლავები ხშირად ებმებიან ინტერნეტ-თაღლითების მახეში. მომღერალი ქეთა თოფურიაც დაზარალდა. მისი მიკრობლოგი, სადაც თოფურია საკუთარ ფოტოებს აქვეყნებდა, გატეხეს. ამის შესახებ თოფურიამ ფანებს მეგობრების, ჯგუფ ”სერებროს” ექაუნთით შეატყობინა.

”ქეთა თოფურიას ექაუნთი გატეხეს და სანამ ყველაფერი გაირკვევა, არ მიაქციოთ ყურადღება უცნაურ პოსტებს”, - ასეთი განცხადება გააკეთა თოფურიამ ”სერებროს” ინსტაგრამზე.

მსგავსი პრობლემა შეემთხვა რუსული ესტრადის კიდევ ერთ წარმომადგენელ სლავას. თაღლითებმა მისი საფოსტო მისამართი გატეხეს და ყველა ექაუნთზე შეუცვალეს პაროლი. უფრო ადრე ინტერნეტ-თაღლითების შეტევამ ოლგა ბუზოვა დააზარალა.

ბოლო ხანებში ჰაკერები ხშირად ესხმიან თავს ვარსკვლავების პირად არქივებს. ამ ყველაფერს სათავე დაუდო ხმაურიანმა სკანდალმა, როდესაც ჰაკერებმა ჯენიფერ ლოურენსის და სხვა ამერიკელი ვარსკვლავების შიშველი ფოტოები განათავსეს ინტერნეტში.

მომზადებულია 7days.ru-ს მიხედვით.