ღამით მუხიანში მომხდარი ავარიის დროს დაშავებული ბავშვი გარდაიცვალა

წუხელ, მუხიანში მომხდარი ავტოსაზგაო შემთხვევის დროს დაშავებული 10 წლის მოზარდი გარდაიცვალა. რაც შეეხება 24 წლის მამაკაცს, მას მსუბუქი დაზიანებები აღენიშნება.

შეგახსენებთ, რომ ღამე მუხიანის დასახლებაში, მე-4 ბ მ/რ-ის 35-ე ა კორპუსის ეზოში მანქანა შევარდა და იქ მყოფ პირებს დაეჯახა.

მძღოლი, რომელიც მანქანას მართავდა, ასევე დაეჯახა ხეს და გაზის მილს. დაჯახება იმდენად ძლიერი იყო, რომ ხე მოგლიჯა, გაზის მილი კი დააზიანა. ამჟამად მახლობლად მდებარე საცხოვრებელ კორპუსებს გაზი არ მიეწოდებათ.

"ინტერპრესნიუსი"