ერთი გარდაცვლილი, ათეულობით დაშავებული და დაკავებული - უკრაინის შსს რადასთან მომხდარი არეულობების შედეგებზე
უკრაინის შინაგან საქმეთა სამინისტრო გუშინ კიევში უმაღლეს რადასთან მომხდარი შეტაკების შედეგად დაშავებულთა შესახებ ბოლო მონაცემებს აქვეყნებს. როგორც უწყების პრესსპიკერი, არტიომ შევჩენკო "ფეისბუქის" საკუთარ გვერდზე წერს, დაშავებულია 141 ადამიანი.
"შინაგან საქმეთა სამინისტროს ბოლო მონაცემებით, სულ დაშავებულია 141 ადამიანი, 131 პოლიციელი და ეროვნული გვარდიის წევრია, 10 მათგანის მდგომარეობა კრიტიკულია, დავაკავეთ 18 აქტივისტი, 13 კი გათავისუფლებულია", - წერს უკრაინის შსს-ის პრესსპიკერი.
უკრაინული მედიის ცნობით, დაპირისპირების დროს ერთ-ერთი სამართალდამცველი გარდაიცვალა. კიევში შეტაკება გუშინ მოხდა. დემონსტრანტებმა რადას შენობაში შეჭრა სცადეს, სადაც დეპუტატები დეცენტრალიზაციის შესახებ კანონპროექტზე მსჯელობდნენ. საკონსტიტუციო ცვლილება, რომელიც ქვეყნის ყველა რეგიონის ადგილობრივი თვითთმართველობების, მათ შორის დონეცკისა და ლუგანსკის ოლქების უფლებასმოსილების გაზრდას გულისხმობს, რადამ დაამტკიცა.
აქციის მონაწილეეები მთავრობას დონბასში სეპარატისტებისთვის ლეგიტიმაციის მიცემაში ადანაშაულებენ. ამ დროისთვის კიევში სიმშვიდეა.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
