როგორ აფასებს ამერიკული მედია პუტინისა და მედვედევის სპორტულ ცხოვრებას სოჭში

პოპულარულ ამერიკულ ბოდიბილდინგ ჟურნალში Muscle & Fitness რუსეთის პრეზიდენტის ვლადიმირ პუტინის ათლეტური შესაძლებლობები გააკრიტიკეს. ძირითადად ჟურნალისტებმა მას შესრულების ტექნიკა დაუწუნეს. პუტინი ტრენაჟორებზე ძალიან სწრაფად უშვებდა წონებს, კუნთის კარგად გასავარჯიშებლად კი აუცილებელია მოზიდვის შემდეგ სასტარტო პოზიციაში ნელა დაბრუნება, რაც პუტინს აშკარად არ გამოსდიოდა. სტატიის დასკვნით ნაწილში ავტორმა და ჟურნალის მთავარი რედაქტორის მოადგილემ მეთ ტატჰილმა პუტინის ვარჯიშს "სისულელე" უწოდა.

მან აგრეთვე აღნიშნა, რომ რუსეთის პრემიერ მინისტრი დიმიტრი მედვედევი ასე თუ ისე წესების დაცვით ასრულებდა ვარჯიშებს. ფიზიკური მზადყოფნის შეფასება რუსეთის პირველ პირებს არხ "რასია 24"-ზე გასული რეპორტაჟის მიხედვით დაუსვეს, სადაც ნაჩვეები იყო როგორ ისვენებდნენ სოჭში პუტინი და მედვედევი და ასრულებდნენ დიდლის ვარჯიშს.