პოლიციამ გურჯაანში მევენახეების მიერ გადაკეტილი გზა გახსნა

თელავი-თბილისის გზის გურჯაანის მონაკვეთი პოლიციამ გახსნა. როგორც "ინტერპრესნიუსის" კორესპოდენტი იუწყება, აქციის მონაწილეებისგან დაკეტილი გზა ცოტა ხნის წინ გაიხსნა. მანამდე კი გურჯაანში მიმდინარე აქციაზე ინციდენტი მოხდა. აქციის ერთ-ერთმა მონაწილემ გურჯაანის მაჟორიტარ დეპუტატ გიორგი ღვინიაშვილს ფიზიკური შეურაცხყოფა მიაყენა.

დეპუტატი აცხადებს, რომ ადამიანი, რომელმაც მას ფიზიკური შეურაცხყოფა მიაყენა, მისი მიმართულებით პოლიციელთა ჯგუფიდან წავიდა. აღნიშნული პირი დაკავებულია.

გურჯაანში მევენახეები აქციას დილიდან მართავენ.

"ინტერპრესნიუსი"