პრემიერისთვის შეკითხვის დასმის გამო ჟურნალისტს მანქანაში "ჩაკუშვნით" დაემუქრნენ
პრემიერ-მინისტრ ირაკლი ღარიბაშვილის გურიაში ვიზიტის დროს ინცინდენტი მოხდა. პრემიერის ვიზიტის გასაშუქებლად გურიაში ჩასულმა ტელეკომპანია "მაესტრო"-ს იმერეთის ბიუროს ჟურნალისტმა ირაკლი ვაჩიბერაძემ ღარიბაშვილს "ნაციონალური მოძრაობის" წევრების გურიაში დაკავებასთან დაკავშირებით კითხვა დაუსვა. კერძოდ, ჟურნალისტი დაინტერესდა, აღნიშნული ფაქტი იყო თუ არა კავშირში მთავრობის მეთაურის ვიზიტთან. კითხვა პრემიერმა უპასუხოდ დატოვა, თუმცა ჟურნალისტს კითხვის დასმის გამო პასუხი გურიის სამხარეო სამმართველოს უფროსმა მოსთხოვა. მან ჟურნალისტი გვერდზე გაიყვანა და უთხრა, რომ მსგავსი კითხვის დასმა პრემიერისთვის არ უნდა გაებედა. გურიის სამხარეო სამმართველოს უფროსი ჟურნალისტს მანქანაში "ჩაკუშვნითაც" დაემუქრა. ვითარების განმუხტვა ადგილზე მყოფმა სხვადასხვა მედიასაშუალებისა და მთავრობის პრესსამსახურის წარმომადგენლებმა სცადეს.
წყარო: topnews.com.ge
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
