რუსულმა ავიაციამ სირიის ტერიტორიაზე პირველი იერიშები მიიტანა

რუსულმა ავიაციამ სირიის ტერიტორიაზე პირველი იერიშები მიიტანა. ინფორმაციას ამის შესახებ სააგენტო "როიტერი", ამერიკელ ჩინოვნიკზე დაყრდნობით ავრცელებს.

წყაროს თანახმად, აშშ ფლობს მონაცემებს იმის შესახებ, რომ რუსეთის სამხედრო-საჰაერო ძალებმა პირველი იერიშები სავარაუდოდ, სირიის ქალაქ ჰომსზე მიიტანეს.

თავის მხრივ, სააგენტო "ფრანს პრესი", სირიის პრეზიდენტის ოფისის მიერ გავრცელებულ განცხადებაზე დაყრდნობით იტყობინება, რომ რუსეთმა სირიაში ავიაცია ბაშარ ალ-ასადის შესაბამისი თხოვნის შემდეგ გაგზავნა.

"ინტერპრესნიუსი"