დიდი ბრიტანეთის თავდაცვის მინისტრი მოსახლეობას საშობაო პერიოდში სავაჭრო ცენტრებში შესაძლო ტერაქტების შესახებ აფრთხილებს
დიდი ბრიტანეთის თავდაცვის მინისტრი მაიკლ ფელონი ქვეყანაში პარიზის მსგავსი ტერაქტების განხორციელებას არ გამორიცხავს. "ის, რაც პარიზსა და ბრიუსელში მოხდა, სამწუხაროდ, ლონდონშიც ადვილად შეიძლება მოხდეს" , - განუცხადა მინისტრმა გამოცემა "Sunday Telegraph"-ს ინტერვიუში.
ინგლისის თავდაცვის მინისტრის თქმით, რისკი ძალიან მაღალია და ტერაქტიც ადვილად შესაძლებელია. მინისტრის ინფორმაციით, ბოლო თვეების განმავლობაში ინგილისის სხვადასხვა ქალაქში სპეცსამსახურებისა და პოლიციის მიერ ექვსი რეალური ტერაქტის გეგმა აღიკვეთა. თუმცა, ფელონს დეტალები არ დაუკონკრეტებია.
მინისტრი საშობაო პერიოდში მყიდველებს თავდასხმების შესახებ აფრთხილებს და ამბობს, რომ იყო სავაჭრო ცენტრებში მოსალოდნელი ტერაქტების მუქარები.
თავდაცვის მინისტრი ქვეყნის პარლამენტისგან თანხმობის მიღებას იმედოვნებს დიდი ბრიტანეთის ავიაციის მონაწილეობაზე "ისლამური სახელმწიფოს" პოზიციების დაბომბვასთან დაკავშირებით.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
