დღეიდან სარაჯიშვილიდან გურამიშვილის გამზირის მიმართულებით მოძრაობა შეიზღუდება

სარაჯიშვილიდან გურამიშვილის გამზირის მიმართულებით არსებულ ხიდზე მოძრაობა ნაწილობრივ შეიზღუდება.

როგორც "ინტერპრესნიუსს" თბილისის მერიიდან აცნობეს, კეთილმოწყობის საქალაქო სამსახური დავით სარაჯიშვილის გამზირიდან დავით გურამიშვილის გამზირის მიმართულებით არსებულ ხიდზე (გზაგამტარი #1) დაზიანებული სადეფორმაციო ნაკერების შეცვლას იწყებს.

სარეაბილიტაციო სამუშაოების სპეციფიკიდან გამომდინარე, 8 დეკემბრიდან 25 დეკემბრის ჩათვლით აღნიშნულ მონაკვეთზე საავტომობილო მოძრაობა ნაწილობრივ შეიზღუდება.

"ინტერპრესნიუსი"