თელავში მკვლელობაში ბრალდებულის შვილმა თავი ჩამოიხრჩო

წუხელ თელავის მუნიციპალიტეტის სოფელ კულდღელაურში მომხდარ მკვლელობაში ბრალდებულის შვილმა თავი ჩამოიხრჩო. გამოძიებამ დაადგინა, რომ ბექა ჯველაურის მკვლელობაში ბრალდებულის, გიორგი ნ-ს შვილმა, 32 წლის ალექსი ნ-მ თვითმკვლელობამდე დანით სხეულის დაზიანება მიაყენა 1988 წელს დაბადებულ ლევან ჩ-ს და შემთხვევის ადგილიდან მიიმალა. ალექსი ნ მომხდარიდან რამდენიმე საათში, ყვარლის რაიონის სოფელ შაქრიანის მიმდებარე ტერიტორიაზე მწყემსმა ხეზე ჩამომხრჩვალი იპოვა.

ლევან ჩ-ს ჯანმრთელობის მდგომარეობა სტაბილურია. გამოძიება მიმდინარეობს საქართველოს სსკ-ის 115-ე მუხლით, რომელიც თვითმკვლელობამდე მიყვანას გულისხმობს.

შეგახსენებთ, კურდღელაურში, 64 წლის გიორგი ნ-მ ურთიერთშელაპარაკების ნიადაგზე, ცივი იარაღით სასიკვდილო ჭრილობა მიაყენა 1990 წელს დაბადებულ ბექა ჯველაურს.

იხილეთ ვრცლად

"კახეთის ხმა"