პირველად საუდის არაბეთის ისტორიაში ადგილობრივი თვითმმართველობის ორგანოებში ქალები აირჩიეს

პირველად საუდის არაბეთის ისტორიაში ადგილობრივი თვითმმართველობის ორგანოებში ქალები აირჩიეს. როგორც "ევრონიუსი" იტყობინება, სხვადასხვა მონაცემებით, შაბათს ჩატარებულ მუნიციპალურ არჩევნებში 14-დან 20 დეპუტატი ქალი აირჩიეს. ერთ-ერთ გამარჯვებულად სახელდება საუდის არაბეთის მოქალაქე, ბიზნესმენი რაშა ჰეფზი.

საუდელ ქალებს არჩევნებში მონაწილეობისა და საკუთარი კანდიდატურის წარდგენის უფლება მეფე აბდალამ 2011 წელს მისცა. 2013 წელს მან საუდის არაბეთის საკონსულტაციო ასამბლეაში 30 ქალი დანიშნა.

საუდის არაბეთში არჩევნები იშვიათი მოვლენაა. ხმის მიცემის პროცედურა სამეფოს ისტორიაში მესამედ ჩატარდა.

"ინტერპრესნიუსი"