ერაყის არმიამ ქალაქი რამადი "ისლამური სახელმწიფოს" მებრძოლებისგან სრულად გაათავისუფლა. როგორც "ბიბისი" იტყობინება, ამის შესახებ ერაყის სამხედრო უწყებამ ოფიციალური განცხადება გააკეთა.
ეს გახდა ერაყის შეიარაღებული ძალების პირველი მნიშვნელოვანი გამარჯვება მას შემდეგ, რაც წელიწადნახევრის წინ არმიამ პოზიციები დათმო, ქვეყნის ტერიტორიის ერთ-მესამედზე კი ისლამისტებმა დაამყარეს კონტროლი.
ერაყის არმია რამადის გათავისუფლების ოპერაციას ბოლო რამდენიმე კვირა ატარებდა.