6 მეთოდი კარტოფილის განსხვავებულად მოსამზადებლად

კარტოფილი დიდსა თუ პატარას ყველას ერთნაირად უყვარს. ეს ის ბოსტნეულია, რომელიც გიხსნით უხერხული სიტუაციიდან, როცა შინ განსაკუთრებული არაფერია. ამიტომაც, გთავაზობთ კარტოფილის განსხვავებულად და გემრიელად მოსამზადებლად რამდენიმე მეთოდს.

კარტოფილი ნივრით

ინგრედიენტები:

• კარტოფილი 2 ცალი
• ნიორი 2-3 კბილი
• ოხრახუში 4-5 ღერი
• მარილი და შავი წიწაკა გემოვნებით
• ზეთი შესაწვავად

1. მოხარშეთ კარტოფილი მარილიან წყალში, გააგრილეთ, გაფცქვენით და დაჭერით სიბრტყეზე თხლად.

2. ზეთიან ტაფაზე მოწვით დაჭრილი ნიორი, რომ შეწითლდება დააწყვეთ ზემოდან დაჭრილი კარტოფილი, მოაყარეთ მარილი, შავი წიწაკა და დაჭრილი ოხრახუში. ჩანგლით დააწექით რათა მიეკრას კარტოფილს. რომ შეიწვება გადააბრუნეთ და შებრაწეთ მეორე მხრიდანაც.

ასფურცელა კარტოფილი

ინგრედიენტები:

• კარტოფილი 4 ცალი, მოზრდილი
• კარაქი 60 გ
• პარმეზანი 50 გ
• ნაღები, ნებისმიერი პროცენტულობით 80 მლ
• გახეხილი ყველი

მოსაყრელად სოუსისთვის:

• არაჟანი 100 მლ ნივრის კბილი
• 1-2 ოხრახუში ან კამა
• მარილი და პილპილი

თანაბარი ზომის კარტოფილები კარგად გარეცხეთ და გაამშრალეთ. თუ კანი გაწუხებთ, შეგიძლიათ გათალოთ. ბასრი დანით ჩაჭერით, მაგრამ ძირი არ დააზიანოთ. ჭრილებში კარაქისა და პარმეზანის თხელი ნაჭრები. შეგიძლიათ ბეკონით ან ლორით შეცვალოთ. მოაყარეთ მარილი. გაახვიეთ ფოლგაში ან პერგამენტის ქაღალდში და აცხვეთ 40-50 წუთი 200 გრადუსზე.

ამ დროის შემდეგ, გახსენით ფოლგა, მოასხით კარტოფილს ნაღები და მოაყარეთ ყველი. დაახლოებით 15 წუთში კერძი მზადაა.

სოუსად მოუმზადეთ არაჟანი, შეზავებულიო ოხრახუშით ან კამით, ნივრით, პილპილით და მარილით

ფარშირებული კარტოფილი

ინგრედიენტები:

• კარტოფილი 8 ცალი
• მარილი და პილპილი
• კარაქი 2-3 ს.კ
• გახეხილი ყველი 100 გ
• რძე 3-4 ს.კ

კარგად გარეცხეთ და გაამშრალეთ ერთნაირი ზომის კარტოფილები. წაუსვით ზეთი, დაალაგეთ ფოლგაჩაფენილ ტაფაში და შეწვით ღუმელში 200 გრადუსზე დარბილებამდე. დარბილებული კარტოფილი გამოიღეთ, წააჭერით თავები, კოვზით ამოიღეთ რბილობი და ჩანგლით დაფშვენით. შეურიეთ ცოტაოდენი გახეხილი ყველი, კარაქი და რძე, მაგრამ ძალიან არ გაათხელოთ. დაამატეთ მარილი და პილპილი გემოვნებით. მიღებული მასა ჩააბრუნეთ ისევ კარტოფილის "ქურქში" და შეაბრუნეთ ღუმელში. მოასხურეთ ცოტაოდენი ზეთი და აცალეთ, სანამ თავი მოებრაწება.

იხილეთ გაგრძელება