რას ყვებიან სექსუალური ძალადობის მსხვერპლი აფრიკელი ბავშვები სამხედროებზე

რას ყვებიან სექსუალური ძალადობის მსხვერპლი აფრიკელი ბავშვები სამხედროებზე

გავლენიანი ბრიტანული გამოცემა The Guardian ვრცელ სტატიას უძღვნის გაერო-ს ადამიანის უფლებების უმაღლესი კომისარიატის ინფორმაციას ცენტრალური აფრიკის რესპუბლიკაში მომხდარი ძალადობრივი ინციდენტების შესახებ, რომელშიც შესაძლოა ქართველი ჯარისკაცებიც ფიგურირებენ.

როგორც "გარდიანი" კომისარიატზე დაყრდნობით წერს, ინციდენტები 2014 წელს, ცენტრალური აფრიკის რესპუბლიკის დედაქალაქ ბანგუიში, აეროპორტის სიახლოვეს მდებარე დევნილთა ბანაკში ან მის მახლობლად მოხდა, თუმცა ეს ფაქტები მხოლოდ ბოლო კვირებში გასაჯაროვდა.

როგორც "გარდიანი" წერს, გუშინ გაერო-მ მშვიდობისმყოფელებს ახალი ბრალდებები წაუყენა. გაერო-ს გენერალური მდივნის თანაშემწემ ენტონი ბენბერიმ კი, გაასაჯაროვა ბავშვთა წინააღმდეგ ძალადობის ახალი ფაქტები, რომელშიც, როგორც "გარდიანი" იწერს, გაერო-ს მშვიდობისმყოფელები, ასევე პოლიციელები ბანგლადეშიდან, კონგოდან, ნიგერსა და სენეგალიდან მონაწილეობდნენ. ენტონი ბენბერიომ ასევე განაცხადა, რომ 2015 წელს დაფიქსირდა 69 დადასტურებული სექსუალური ძალადობის ან ექსპლუატაციის ფაქტი გაერო-ს 16 სამშვიდობო მისიაში მსოფლიოს მასშტაბით, აქედან 22 ცენტრალური აფრიკის რესპუბლიკაში მოხდა. მაშინ როცა 2014 წელს დაფიქსირდა 51 მსგავსი ფაქტი.

ენტონი ბენბერის განცხადებით, გაერო-ს გენერალური მდივანი ბან კი მუნი მომავალ თვეს გამოაქვეყნებს ანგარიშს გასულ წელს მომხდარი ძალადობის ყველა ფაქტის შესახებ, მათ შორის დასახელდება ყველა ის ქვეყანა, რომლის სამხედრო მოსამსახურე ძალადობაში მონაწილეობაშია ეჭვმიტანილი.

"გაერო-ს ადამიანის უფლებების უმაღლესი კომისარიატის ინფორმაციით, სამმა გოგონამ განაცხადა, რომ მას მიაჩნია, რომ მოძალადეები იყვნენ ქართული კონტინგენტის წევრები ევროკავშირის მისიიდან, კიდევ ერთი გოგონა სავარაუდოდ, გააუპატიურა ჯარისკაცმა სხვა ევროპული ქვეყნიდან, რომელიც არ დასახელდა, რადგან ამ შემთხვევაში დამატებითი მტკიცებულებებია საჭირო. გაერო-ს თანამშრომლები გაესაუბრნენ 7 წლის გოგონას და 9 წლის ბიჭს, რომლებმაც განაცხადეს, რომ მათზე ძალადობა განახორციელეს სამხედროებმა ოპერაცია "სანგარისის" ჩატარების დროს. გოგონამ თქვა, რომ მას "ფრანგ ჯარისკაცებთან ორალური სექსი ჰქონდა წყლის ბოთლის და ტკბილეულის სანაცვლოდ", - ნათქვამია უმაღლესი კომისარიატის განცხადებაში.

როგორც გამოცემა აღნიშნავს, გაერო-ს ადამიანის უფლებების უმაღლესი კომისრის ოფიციალურმა წარმომადგენელმა რუპერტ კოლვილმა განაცხადა, რომ ცენტრალური აფრიკის რესპუბლიკაში მომხდარ სექსუალური ძალადობის ინციდენტებში სავარაუდოდ, 10 უცხოური ქვეყნის სამხედრო კონტინტენტის წარმომადგენლები მონაწილეობდნენ, მაგრამ რთულია იმის გარკვევა, თუ კონკრეტულად რამდენი ჯარისკაცი იღებდა ამაში მონაწილეობას.

რუპერტ კოლვილის თქმით, სექსუალური ძალადობის ფაქტების აღკვეთის მიზნით და დაზარალებულთა დასახმარებლად გაერო-მ ახალი ნაბიჯები გადადგა. ახლა სამშვიდობო მისიის ყოველ ახალ წევრს ამოწმებენ, ხოლო თუ დადასტურდა, რომ ის მსგავს ფაქტებში ან ადამიანის უფლებების დარღვევაში მონაწილეობდა, მსახურების უფლებას არ აძლევენ.

გაერო ასევე სთხოვს სამშვიდობო მისიაში ჩართულ ქვეყნებს, დაასრულონ გამოძიება 6 თვეში და შედეგები საერთაშორისო ორგანიზაციას აცნობონ.

გარდა ამისა, გაერო-მ შეუწყვიტა ხელფასების გაცემა იმ პერსონალისთვის, რომელთა მიმართებაში დადასტურდა, რომ ძალადობის აქტები განახორციელეს.

ნახეთ ვიდეო| როგორ აშუქებს "ფრანს 24" ქართველი ჯარისკაცების სკანდალს აფრიკელ ბავშვებზე სექსუალურ ძალადობაზე

"ინტერპრესნიუსი"

9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს

მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"

პრინცს, რომელსაც ქალი გაუპატიურებას აბრალებს, ავსტრალიაში არავინ დახვდა