დიღომში ამოხეთქილმა წყალმა 5 კორპუსი დატბორა, დაზიანებულია 10 მანქანა

დიდ დიღომში, ჰიპერმარკეტ "გუდვილის" მიმდებარე ტერიტორიაზე გამთენიისას წყლის მილი გასკდა. ძლიერი წნევის გამო მიწიდან ამოხეთქილმა წყალმა ახლოს მდებარე საცხოვრებელი კორპუსები დატბორა.

შსს-ს საგანგებო სიტუაციების მართვის სააგენტოს თბილისის სამმართველოს უფროსის მოადგილის, დავით გელაშვილის განცხადებით, წყლის ნაკადი 12 მეტრს აღწევდა. ამ მომენტისთვის წყალი დაკეტილია.

"შემთხვევის შედეგად 4 კორპუსი დაიტბორა. წყალმა გრუნტის მოძრაობა გამოიწვია, რის შედეგადაც 8-10 მანქანა დაზიანდა", - განაცხადა გელაშვილმა.

ადგილზე საავარიო ჯგუფი მუშაობს. მობილიზებულია მძიმე ტექნიკა. მიმდინარეობს წყლის ამოტუმბვის სამუშაოები.

ინფორმაციას აღნიშნულის შესახებ ”რუსთავი 2” ავრცელებს.

იხილეთ ვიდეო